Heart touching poem by Gulzar on how the cyber age, the kindles and the world wide web has made books a forgotten treasure.
Zubaan per zaiqa aata tha jo safhay palatnay ka
Ab ungli click karny se bus ek jhapki guzarti hai
Buhut kuch teh ba teh jhukta chala jaata hai pardey per
Kitabon se jo zaati raabta tha, katt gaya hai…
Kabhi seenay per rakh ker lait jaatay thay
Kabhi godee mein letay thay
Kabhi ghutno ko apnay rehl ki soorat bana ker
Neem sajday mei parha kartay thay, chootay thay jabeen se
Woh saara ilm to milta rahay ga baad mein bhi
Magar wo jo kitabon mein mila kartay thay sookhay phool
Aur mehkay huay safhay
Kitabein maangnay girnay, uthanay kay bahanay rishtay bantay thay
Unn ka kya hoga?
Woh shayad ab nahin hongay…
No comments:
Post a Comment