Tu kon hay jo kinaray par khara hay

This amazing poem is written by a friend following the Multan blasts last year. Its just superb. Makes one think how oblivious we are to the situation in Pakistan while we live busy yet comfortable lives abroad. Really thought provoking. Hope it wakes the young people of Pakistan and the brain drain from their khaab-e-ghaflat. 

Too kon hay jo kinaray pay khara hay,

Is dehekti zameen kay angaron may para hay,

Har taraf bijliyan garajteen hain teri,

Or tu ek bay khabar takhaiyul may ghira hay?

Kan ya aankhain, kya kuch nahi tere paas?

Ghar tera lut raha, or too mojoon may para hay?

Ye hansi teri bay ikhtiar gosha gosha gunjti hay,

Per aanhon kay liye tera, poora garha bhara hay?

Kyun bay hiss hay tu, iss aag ko kyun mita nahi saqta,

Har mard e momin bhi to zulm say lara hay?

Aisi kya zindagi jo sirf “main” per munhisar ho,

Tu kyun ghairon kay kadmon may ja kay para hay?

Bulbul bhi jab phansta hay, jaal kaatnay ata hay poora kaafla,

Or tu ek uqaab ho kar bhi bandishon may para hay?

Kesi dolat, kesa makaan, ye kesi talaash hay teri,

Ghar banaye tu ghairon me, ye kesi zillat me ghira hay?

Jahan jamaye tunay apne kadam, aaj wo galli reza reza hay,

Roain tere apne sare or tu sirf afsos me para hay?

Wahan banaye tu pull o imarat, jahan ki aag ghar jalaye tera,

Ghulami may aisay lutf uthaye, zameer kahan hay tera?

Do lafz bol ker farz nibhanay walay, zara hosh ker kay dekh,

Aashiyanay kay liyay mehez yehi farz hey tera?

  

Ghairat kahan gayi teri, jo khamosh khara dekhta hay,

Apne bhaiyon ka katal, roz shab o sawera?

Mot mandrati hay tere sir per wesay hee jese aasman,

Tu kyun badd gumaan, bay khof o khatar khara hay?

Kosti hay tujhay duniya, gali deta hay tujhay ye jahaan,

Tu phir bhi apni masti may, sab bhulaye khara hay?

Shohrat kay liyay apni, jhuti khairaat karay tu,

Duniya teri munafiqat par hansay, tu kis zawiyay may gira hay?

Bhai tere kashkol uthaye, bay bass nigahon say tujhay dekhe,

Or tu dhudkaray usay, ye kesa zulm kar raha hay?

Roz tere koochay me qayamat barpa hoti hay,

Goonj e dehshat har fard sunay, per tu he ghafil kara hay?

Kab karay ga iss tufan say hifazat, apne ghar o agosh ki,

Jab mit jayegi duniya say ye shanaakht, tu kis intezaar may khara hay?

Shaid he koi meri sada sunay, k iqbal o qaid taraptay hain,

Unki mohabbat o hikmat, aaj shaid nah rang layegi.

Nahi badle ga ye zamana shafaq*, ye duniya yahin doob jayegi,

Dekhte dekhte yay rangeen tasveer, supurd e khaak ho jayegi.

 Ayesha Shafaq*

(The Poet-ess)