Meri Zindagi tou firaaq hai, woh azal se dil main makeen sahi
Wo nigah-e-shauq se door hain, rag-e-jaan se lakh qareeb sahi
Hamein jaan dainee hai aik din, wo kisi tarah wo kahin sahi
Hamein aap khainchiye daar par, jo nahi koi tu hameen sahi
Hamein aap khainchiye daar par, jo nahi koi tu hameen sahi
Sar_e_toor ho sar_e_hasher ho, hamein intizaar qubool hai
Wo kabhi milein, wo kahin milein, wo kabhi sahi, wo kahin sahi
Wo kabhi milein, wo kahin milein, wo kabhi sahi, wo kahin sahi
Na ho un pe jo mera bass nahi, k ye aashqi hai hawas nahi
Mai unhi ka tha, mai unhi ka hoon, wo mere nahi tu nahi sahi
Mai unhi ka tha, mai unhi ka hoon, wo mere nahi tu nahi sahi
Mujhe bhaithne ki jaga milay, meri aarzoo ka bharam rahay
Teri anjuman mein agar nahi,teri anjuman k qareen sahi
Teri anjuman mein agar nahi,teri anjuman k qareen sahi
jo ho faisala wo sunaaiye usay hashr pe na uthaiye
jo karain gay app sitam wahan wo abhi sahi wo yehin sahi
jo karain gay app sitam wahan wo abhi sahi wo yehin sahi
Use dekhne ki jo lao lagi tu Qateel dekh hi lain gey hum
Wo hazaar aankh se door ho, wo hazaar pardah nasheen sahi
~Qateel Shifai
Wo hazaar aankh se door ho, wo hazaar pardah nasheen sahi
~Qateel Shifai
No comments:
Post a Comment